31 புதிய மருத்துவ கல்லூரிகளில் தமிழகத்துக்கு 6

அக்டோபர் 01, 2019 03:33

புதுடில்லி: நாடு முழுவதிலும் புதிதாக துவங்க இருக்கும் 31 புதிய அரசு மருத்துவ கல்லூரிகளில் தமிழ்நாட்டிற்கு 6 கல்லூரிகள் ஒதுக்கப்பட்டுள்ளன.

இதுகுறித்து சுகாதார மற்றும் குடும்ப நல அமைச்சகம் வெளியிட்டுள்ள அறிக்கையில், டில்லியில் செப்.,26ல் நடந்த தொழில்நுட்ப மதிப்பீட்டுக் குழு கூட்டம் நடந்தது. கூட்டத்தில் நாடு முழுவதும் புதிதாக துவங்க உள்ள 31 மருத்துவ கல்லூரிகளின் பட்டியல் முடிவு செய்யப்பட்டது என தெரிவிக்கப்பட்டுள்ளது. இதில் தமிழகத்திற்கு மட்டும், 6 கல்லூரிகள் ஒதுக்கப்பட்டுள்ளன.

அதிகபட்சமாக ராஜஸ்தான் மற்றும் ம.பி., மாநிலத்தில் தலா 10 கல்லூரிகள் அமைய உள்ளன. தமிழகத்தில் 6, காஷ்மீரில் 2, உ.பி.,யில் 3 என மொத்தம் 31 புதிய மருத்துவ கல்லூரிகள் திறக்கப்படும் என அறிக்கையில் குறிப்பிடப்பட்டுள்ளது.

தமிழகத்தில் திருப்பூர், நீலகிரி, ராமநாதபுரம், நாமக்கல், திண்டுக்கல் மற்றும் விருதுநகர் மாவட்டங்களில் புதிய மருத்துவ கல்லூரிகள் அமைய உள்ளன.