வெளிநாடு, வெளி மாநிலங்களிலிருந்து தமிழகம் வருவோருக்கு பிசிஆர் சோதனை கட்டாயம்: தமிழக அரசு

ஜுன் 02, 2020 06:54

சென்னை: தமிழக அரசு சார்பில் வெளிநாடுகள் மற்றும் வெளிமாநிலங்களில் இருந்து தமிழகம் வருபவர்களுக்கான புதிய வழிகாட்டு நெறிமுறைகள் வெளியிடப்பட்டுள்ளது.

தமிழக அரசு சார்பில் வெளியிடபட்ட அறிக்கையில் கூறப்பட்டுள்ளதாவது: வெளிநாடுகளில் இருந்து விமானம் மூலம் தமிழகம் வரும் அனைவருக்கும் பிசிஆர் சோதனை கட்டாயமாக்கப்படுகிறது. மேலும், அவர்கள் 7 நாட்கள் தனிமைப்படுத்தப்படுவர். அதேபோல், மஹாராஷ்டிரா, டெல்லி மற்றும் குஜராத்தில் இருந்து தமிழகம் வருவோருக்கும் பிசிஆர் சோதனை கட்டாயமாகும். வணிக பயன்பாட்டுக்காக 48 மணி நேரத்துக்குள் வெளிநாடு சென்று திரும்பியோர் தனிமைப்படுத்தப்பட மாட்டார்கள். வெளிமாநிலங்களில் இருந்து தமிழகத்துக்கு வருவோர் இ-பாஸ்க்கு விண்ணப்பிக்க வேண்டும். இவ்வாறு அதில் கூறப்பட்டுள்ளது.