Thursday, 4th July 2024
ebook தொடர்புக்கு : +91 - 9444983174
சம்பால்: உத்தர பிரதேச மாநிலம் சம்பால் நகரில் பாஜக சார்பில் ஹோலி பண்டிகை உற்சாகமாக கொண்டாடப்பட்டது. இதையொட்டி சிறப்பு நிகழ்ச்சிக்கு ஏற்பாடு செய்யப்பட்டிருந்தது. இதற்காக பிரமாண்ட மேடை அமைக்கப்பட்டிருந்தது. முக்கிய நிர்வாகிகள் மேடையில் தோன்றி உரையாற்றினர்.
நிகழ்ச்சி தொடங்கிய சிறிது நேரத்தில், மேலும் சிலர் மேடையில் ஏறியதால் இட நெருக்கடி ஏற்பட்டது. அப்போது பாரம் தாங்காமல் திடீரென மேடை சரிந்து விழுந்தது. மேடையில் நின்றிருந்த அனைவரும் விழுந்தனர். இதில் பாஜக விவசாய சங்கத் தலைவர் அவ்தேஷ் யாதவ் உள்ளிட்ட பலர் காயமடைந்தனர். அவர்கள் உடனடியாக மருத்துவமனையில் அனுமதிக்கப்பட்டனர். இந்த விபத்து குறித்து போலீசார் விசாரணை மேற்கொண்டுள்ளனர்.