4 வயது குழந்தையை சீரழித்த உறவினர்: ஹத்ராஸ் மாவட்டத்தில் மீண்டும் ஒரு கொடூரம்

அக்டோபர் 14, 2020 06:24

ஹத்ராஸ்: உத்தர பிரதேச மாநிலத்தில் பெண்களுக்கு எதிரான குற்றங்கள் தொடர்ந்து அதிகரித்து வருகிறது. ஹத்ராஸ் மாவட்டத்தில் இளம்பெண் பாலியல் பலாத்காரம் செய்யப்பட்டு கொல்லப்பட்ட சம்பவம் உ.பி. மட்டுமல்லாமல் நாடு முழுவதும் கடும் அதிர்வலைகளை ஏற்படுத்தியது. இந்த சம்பவம் தொடர்பாக 4 பேர் கைது செய்யப்பட்டுள்ளனர். இந்த சம்பவத்திற்கு பிறகும் பல்வேறு பாலியல் வன்கொடுமை புகார்கள் பதிவு செய்யப்பட்டுள்ளன. 

இந்நிலையில் ஹத்ராஸ் மாவட்டம் சாஸ்னி பகுதியில் 4 வயது குழந்தை பாலியல் பலாத்காரம் செய்யப்பட்ட சம்பவம் அதிர்ச்சியை ஏற்படுத்தி உள்ளது. அந்த குழந்தையின் உறவினரே இந்த கொடூர செயலை செய்துள்ளார். இது தொடர்பாக போலீசார் வழக்குப்பதிவு செய்து குற்றவாளியை கைது செய்துள்ளனர். இத்தகவலை காவல்துறையின் அதிகாரி ருச்சி குப்தா தெரிவித்தார்.