பென்சன் பெற ​ஆன்லைனில் வாழ்வு சான்றிதழ் வழங்கல்

நவம்பர் 09, 2020 07:13

புதுடெல்லி: ஓய்வூதியம் பெறும் பென்சன்தாரர்கள் அனைவருமே ஒவ்வொரு ஆண்டும் ஜீவன் பிரமாண பத்திரத்தை சம்பந்தப்பட்ட அதிகாரிகளிடம் சமர்ப்பிக்க வேண்டும். இதற்காக சம்பந்தப்பட்ட ஓய்வூதியரே நேரில் செல்லலாம். அல்லது ஒவ்வொரு ஆண்டு்ம் நவம்பர் மாதத்தில் வாழ்வு சான்றிதழை சமர்ப்பிக்கலாம். ஓய்வூதியதாரர் வாழ்வு சான்றிதழை ஆன்லைனிலும் பெற முடியும். ஆப் மற்றும் ஆதார் அடிப்படையில் டிஜிட்டல் வாழ்வு சான்றிதழை எற்றுக்கொள்ளலாம். இந்த சான்றிதழ் ஆன்லைனிலேயே சேமித்து வைக்கப்பட்டு எப்போது வேண்டுமானாலும் பயன்படுத்திக்கொள்ளலாம்.

​ஆன்லைன் வாழ்வு சான்றிதழ் பெற தேவையானவை:
* ஆதார் எண்
* தற்போது பயன்படுத்தப்படும் மொபைல் எண்
* ஜீவன் பிரமாண் ஆப் (Jeevan Pramaan)- UMANG app
​முதலில் என்ன செய்ய வேண்டும்:
மொபைலில் ஜீவன் பிரமாண் ஆப்பை (UMANG app) டவுன்லோடு செய்ய வேண்டும். அதில் new registrationஐ தேர்வு செய்ய வேண்டும். உங்களது பெயர், ஆதார் எண், வங்கிக் கணக்கு எண், பென்சன் கட்டண ஆர்டர், மொபைல் எண் உள்ளிட்ட விவரங்களை வழங்க வேண்டும்.

இரண்டாவது ஸ்டெப்:
நீங்கள் பதிவு செய்த மொபைல் எண்ணுக்கு ஓ.டி.பி. பாஸ்வேர்ட் வரவழைக்க Send OTP ஆப்ஷனை தேர்வு செய்ய வேண்டும். மொபைலுக்கு ஓ.டி.பி. பாஸ்வோர்ட் வந்ததும் அதை சமர்ப்பித்து ஆதார் சரிபார்ப்பையும் முடித்தால் Pramaan ID வழங்கப்படும். இப்போது சப்மிட் ஆப்ஷனை கிளிக் செய்யவும்.

அடுத்தகட்டமாக Pramaan ID பயன்படுத்தி ஜீவன் பிரமாண் ஆப்பில் லாக் இன் செய்ய வேண்டும். அதில் ஆதார் எண், மொபைல் வழங்கி Generate Jeevan Pramaan ஆப்ஷனை தேர்வு செய்ய வேண்டும். பிறகு ஓ.டி.பி. பாஸ்வேர்ட் வரவழைத்து அதை சமர்ப்பிக்க வேண்டும். பின்னர் பென்சன் கட்டண ஆர்டர், பெயர், ஏஜென்சி பெயர் உள்ளிட்ட விவரங்களை சமர்ப்பிக்க வெண்டும். பின்னர் சம்பந்தப்பட்ட மொபைல் எண்ணுக்கு எஸ்.எம்.எஸ். வரும். ஆதார் சரிபார்ப்புக்கு பின்னர் வாழ்வுச் சான்றிதழ் மொபைலிலேயே வந்துவிடும்.

இனி ஒவ்வொரு ஆண்டும் தங்கள் வாழ்நாள் சான்றிதழை பெற எங்கும் அலைய வேண்டியதில்லை. ஆன்லைனிலேயே ஓய்வூதியதாரர்கள் தங்கள் வாழ்நாள் சான்றிதழை பெற முடியும்.