வாட்ஸ் அப்பில் தடுப்பூசி போட  முன்பதிவு

ஆகஸ்டு 25, 2021 08:43

புதுடெல்லி : கொரோனா தடுப்பூசி போடுவதற்கு ‘கோவின்’ வலைத்தளம் மூலம் முன்பதிவு செய்யப்பட்டு வருகிறது.

இந்தநிலையில், வாட்ஸ் அப் மூலம் முன்பதிவு செய்யும் வசதியை மத்திய அரசு தொடங்கி இருக்கிறது. இதுகுறித்து மத்திய சுகாதாரத்துறை மந்திரி மன்சுக் மாண்டவியா தனது ‘டுவிட்டர்’ பக்கத்தில் கூறியிருப்பதாவது:-

வாட்ஸ் அப்பில் ‘Book Slot’ என்று டைப் செய்து மைகவ் இந்தியா கொரோனா உதவிமைய எண்ணான 91-9013151515 என்ற எண்ணுக்கு அனுப்ப வேண்டும். அப்போது பெறப்படும் ஓ.டி.பி. எண்ணை பதிவு செய்து உறுதிப்படுத்த வேண்டும். பின்னர், அடுத்தடுத்து கூறப்படும் வழிகாட்டுதல்படி, கொரோனா தடுப்பூசி போடுவதற்கான நேரத்தை முன்பதிவு செய்யலாம். இவ்வாறு அவர் கூறியுள்ளார்.