தமிழக அரசை கண்டித்து 25-ம் தேதி பாஜக ஆர்ப்பாட்டம்

மார்ச் 23, 2022 12:17

சென்னை: பாஜக மாநில தலைவர் அண்ணாமலை வெளியிட்டுள்ள அறிக்கை:

தமிழக பட்ஜெட்டில் அறிவிக்கப்பட்ட திட்டங்களை முழுமையாக செயல்படுத்தினாலே உன்னதமான தமிழகம் உருவாகும் என்று முதல்வர் கண்களை மூடிகொண்டு கருத்து தெரிவித்து இருக்கிறார். தேர்தல் வாக்குறுதிகளை நிறைவேற்றும் திட்டமில்லாத பட்ஜெட் என்பதால் உன்னதமாக பார்க்கிறாரா?

இரண்டு பட்ஜெட் போட்டும் தேர்தல் வாக்குறுதிகளை நிறைவேற்ற முனைப்பு காட்டாதது வேதனை அளிக்கிறது. மக்களை திசை திருப்பும், ஏமாற்றம் அளிக்கும் பட்ஜெட்டை தந்துள்ள தமிழக அரசைக் கண்டித்து வரும் 25-ம் தேதி காலை 10 மணிக்கு சென்னை வள்ளூவர்கோட்டம் அருகே மாபெரும் ஆர்ப்பாட்டம் நடக்க உள்ளது.

அனைத்து துறைகளிலும் வீழ்ச்சிப் பாதையில் தமிழகத்தை தவறாக வழிநடத்தும் திமுக ஆட்சியை கண்டித்து முழக்கமிட அனைவரும் பெருந்திரளாக ஆர்ப்பாட்டத்தில் கலந்துகொள்ள வேண்டும்.

இவ்வாறு அவர் கூறியுள்ளார்.