காங்கிரஸ் கட்சி தலைவராக கார்கே 26-ந்தேதி பதவி ஏற்கிறார்

அக்டோபர் 20, 2022 12:01

புதுடெல்லி,  நடந்து முடிந்த காங்கிரஸ் கட்சி தலைவர் தேர்தலில் மல்லிகார்ஜூன கார்கே வெற்றி பெற்றுள்ளார். பதிவான 9,385 ஓட்டுகளில் கார்கேவுக்கு 7,897 ஓட்டுகளும், அவரை எதிர்த்து போட்டியிட்ட சசி தரூருக்கு 1,072 ஓட்டுகளும் கிடைத்துள்ளது. 

இந்த வெற்றியின் மூலம் கடந்த 24 ஆண்டுகளில் காந்தி குடும்பத்தை சாராத முதல் தலைவர் என்ற புதிய சரித்திரத்தை கார்கே படைத்துள்ளார். இந்நிலையில் வருகிற 26-ந்தேதி(புதன்கிழமை) அன்று அவர் தலைவராக பதவி ஏற்க உள்ளார். முன்னதாக நேற்று டெல்லியில் உள்ள கார்கே வீட்டுக்கு சோனியா காந்தி, பிரியங்கா காந்தி, ராஜஸ்தான் முதல்-மந்திரி அசோக் கெலாட், சசிதரூர் ஆகியோர் நேரில் சென்று கார்கேவுக்கு வாழ்த்து தெரிவித்தனர்.