வருகின்ற 26 ஆம் தேதி எரிவாயு நுகர்வோர்கள் குறைதீர் கூட்டம்

செப்டம்பர் 24, 2023 01:11

நாமக்கல்: நாமக்கல் மாவட்டத்தில் எரிவாயு நுகர்வோர்கள் நலன் கருதி அனைத்து எண்ணெய் மற்றும் எரிவாயு நிறுவன மேலாளர்கள், எரிவாயு முகவர்கள், விநியோகஸ்தர்கள்,  எரிவாயு நுகர்வோர்கள்,  தன்னார்வலர்கள் ஆகியோர்களுடன் “எரிவாயு நுகர்வோர்கள் குறைதீர் கூட்டம்” நாமக்கல் மாவட்ட ஆட்சியர் அலுவலக கூட்ட அரங்கில் நாமக்கல் மாவட்ட வருவாய் அலுவலர் தலைமையில் 26-09-2023 செவ்வாய்கிழமை பிற்பகல் 4 மணிக்கு நடைபெற உள்ளது. 

எரிவாயு விநியோகம் தொடர்பான குறைபாடுகள் மற்றும் கோரிக்கைகளைத் தெரிவிக்க விரும்பும் நுகர்வோர்கள் இந்த கூட்டத்தில் கலந்து கொண்டு எரிவாயு விநியோகம் மற்றும் கோரிக்கைகளை தெரிவித்து மனுக்கள் அளிக்கலாம் என மாவட்ட ஆட்சித் தலைவர் மருத்துவர் ச.உமா  தெரிவித்துள்ளார்.