திமுக கூட்டணி ரெயில் டெல்லி போய் சேராது: அமைச்சர் ராஜேந்திர பாலாஜி

பிப்ரவரி 26, 2019 10:43

விருதுநகர்: என்ஜின் இல்லாத தி.மு.க. கூட்டணி ரெயில் டெல்லி போய் சேராது. தேர்தலில் அ.தி.மு.க. மற்றும் கூட்டணி கட்சிகள் வெற்றிபெறும் என அமைச்சர் ராஜேந்திர பாலாஜி கூறினார். 

சிவகாசியில் அமைச்சர் ராஜேந்திரபாலாஜி இன்று நிருபர்களிடம் கூறியதாவது. 
அ.தி.மு.க. கூட்டணி என்பது எக்ஸ்பிரஸ் ரெயில் ஆகும். சென்னையில் இருந்து புறப்பட்டால் எங்கும் நிற்காமல் டெல்லிக்கு சென்று தான் நிற்கும். அ.தி.மு.க.வுடன் கூட்டணி சேரும் கட்சிகளுக்கு முதல் வகுப்பு வழங்கப்பட்டு பாதுகாப்புடன் டெல்லிக்கு அழைத்து செல்லப்படுவார்கள். வருகிற மக்களவை தேர்தலில் அ.தி.மு.க. மற்றும் கூட்டணி கட்சிகள் அனைத்து தொகுதிகளிலும் வெற்றி பெறும். 

ஆனால் தி.மு.க அமைத்துள்ள கூட்டணி, என்ஜின் இல்லாத ரெயில்போன்றது. அது டெல்லிபோய் சேராது. அந்த கூட்டணி தேர்தலில் தோல்வியடையும்.இவ்வாறு அவர் கூறினார்.