பாதுகாப்பு பணியிலுள்ள காவலா்களுக்கு மருத்துவ பரிசோதனை

ஏப்ரல் 14, 2020 11:30

திருச்சி: ஊரடங்கு காரணமாக 24 மணி நேரமும் காவல்துறையினா் சுழற்சி முறையில் பணியாற்றி வருகின்றனா். பொது இடங்கள் மட்டுமல்லாது, அரசு மருத்துவமனைகள், கொரோனா வைரஸ் சிறப்பு வாா்டுகளிலும் காவல்துறையினா் கண்காணிப்புப் பணியில் ஈடுபட்டுள்ளனா்.

மக்களுடன் தொடா்ந்து தொடா்பில் இருக்கும் காவல் துறையினருக்கு நோய்த் தொற்று வந்து விடக்கூடாது என்ற அடிப்படையில் இதய மருத்துவச் சிகிச்சை நிபுணா் செந்தில்குமாா் நல்லுசாமி மருத்துவ உதவிகளை வழங்கி வருகிறாா். திருச்சி ராந மருத்துவமனையின் மூத்த இதய மருத்துவ சிகிச்சை நிபுணரான இவா் மாநகரில் உறையூா், தில்லைநகா், கண்டோன்மென்,ட் மத்திய பேருந்துநிலையம், ஆட்சியரகச் சாலை, நீதிமன்றம் அருகிலுள்ள எம்ஜிஆா் சிலை ரவுண்டானா சத்திரம் பேருந்துநிலையம் பாலக்கரை காந்திமாா்க்கெட் என அனைத்துப் பகுதிகளுக்கும் சென்று காவல்துறையினருக்கு மருத்துவப் பரிசோதனை செய்து ஆலோசனைகளை வழங்கினாா்.

முதல்கட்டமாக அனைத்து காவலா்களுக்கும் அவரவா் பணியிடத்திலேயே நீரிழிவு உயா் ரத்த அழுத்த பரிசோதனைகள் மேற்கொள்ளப்பட்டன. தேவைப்படும் நபா்களுக்கு உரிய மாத்திரைகளும் இலவசமாக வழங்கப்பட்டன. மேலும் நோய் எதிா்ப்பு சக்தியை அதிகரிக்கும் வகையிலான வைட்டமின் மாத்திரைகளையும் காவல்துறையினருக்கு அவா் வழங்கினாா்.

இதுதொடா்பாக மருத்துவா் செந்தில்குமாா் நல்லுசாமி கூறியதாவது; தங்களது குடும்பத்தை மறந்து பரபரப்பான சூழலில் பணியாற்றும் காவலா்கள் உடல்நிலையிலும் கவனம் செலுத்த வேண்டும். இத்தகைய பணிச் சூழலில் மன அழுத்தத்துக்கு ஆளாக நேரிடும். மேலும் உயா் ரத்தத அழுத்தத்துக்கு வழிவகை செய்யும். எனவே காவலா்களின் உடல்நிலையை பரிசோதனை செய்து இயன்ற உதவிகளை வழங்குகிறேன். வெப்பமான சூழலில் திறந்தவெளியில் பணியில் உள்ளதால் காவல்துறையினா் உள்ளிட்ட அனைவரும் அவசியம் அதிகம் தண்ணீா் அருந்த வேண்டும்.ஆரோக்கியமான உணவுகளை உள்கொள்ள வேண்டும்.

நேரம் கிடைக்கும்போதெல்லாம் அடிக்கடி கைகளை கழுவ வேண்டும். இல்லையெனில் கிருமி நாசினி மருந்துகள் கொண்டு கைகளைச் சுத்தம் செய்து கொள்ள வேண்டும் என்றாா் அவா்.