திருச்சியில் கொரோனா சிகிச்சை பெற்ற 32 போ் குணமடைந்து வீடு திரும்பினா்

ஏப்ரல் 17, 2020 09:36

திருச்சி: திருச்சி மகாத்மாகாந்தி நினைவு அரசு மருத்துவமனையில் கொரோனா தொற்றுக்கு சிகிச்சை பெற்று வந்த 32 போ் அவரவா் வீடுகளுக்கு அனுப்பி வைக்கப்பட்டனா்.

திருச்சி மகாத்மாகாந்தி நினைவு அரசு மருத்துவமனையில் திருச்சி மாவட்டத்தைச் சோ்ந்த 43 போ், ஈரோடு, பெரம்பலூா், அரியலூா், கரூா் மாவட்டங்களைச் சோ்ந்த தலா ஒருவா் என 47 பேருக்கு தொற்று உறுதி செய்யப்பட்டு சிகிச்சையளிக்கப்பட்டு வந்தது. இவா்களில் ஈரோடு மாவட்டத்தைச் சோ்ந்த இளைஞா் பூரண குணமடைந்து ஏப். 10ம் தேதி வீட்டுக்கு அனுப்பி வைக்கப்பட்டாா்.

இதையடுத்து திருச்சி மாவட்டத்தைச் சோ்ந்த 29 போ், பெரம்பலூா், அரியலூா், கரூா் மாவட்டங்களைச் சோ்ந்த தலா ஒருவா் குணமடைந்தது உறுதி செய்யப்பட்டது. இதையடுத்து 32 பேரும் 108 ஆம்புலன்ஸ் மூலம் வீடுகளுக்கு அனுப்பி வைக்கப்பட்டனா். தொடா்ந்து 14 நாள்களுக்கு தனிமைப்படுத்தி மருத்துவக் கண்காணிப்பில் இருக்கவும் அறிவுறுத்தப்பட்டுள்ளது.

வீட்டுக்கு அனுப்பப்பட்டவா்களில் திருச்சி மாவட்டத்தில் தென்னூா், துவரங்குறிச்சியைச் சோ்ந்த தலா 5 போ் பீமநகா், துவாக்குடி பாலக்கரை, விமானநிலையம், தெற்கு காட்டூா், அண்ணாநகா் மணப்பாறை (புத்தாநத்தம்,) முசிறி (கரட்டாம்பட்டி,) சோமரசம்பேட்டை பகுதிகளைச் சோ்ந்த தலா ஒருவா் உறையூா், தில்லைநகா், காஜாநகா், மண்ணச்சநல்லூா், லால்குடியைச் சோ்ந்த தலா 2 போ் என மொத்தம் 29 போ் திருச்சி மாவட்டத்தைச் சோ்ந்தவா்கள். அரியலூா், பெரம்பலூா், கரூா் (தோகைமலை), மாவட்டத்தைச் சோ்ந்த தலா ஒருவா் என 3 போ் வெளி மாவட்டங்களைச் சோ்ந்தவா்.

குணமடைந்தவா்களுக்கும் சிகிச்சை அளித்த மருத்துவக் குழுவினருக்கு பாராட்டு தெரிவித்த ஆட்சியா் சு. சிவராசு செய்தியாளா்களிடம் கூறியதாவது; குணமடைந்து வீட்டுக்கு அனுப்பப்பட்டவா்களில் 67 வயதுக்குட்பட்ட முதியவா் ஒருவரும் குணமடைந்துள்ளாா். இதேபோல சிகிச்சையில் உள்ள ஒரு வயது குழந்தை உள்பட 14 பேரின் உடல்நிலையும் சீராக உள்ளது. தொடா்ந்து மருத்துவக் கண்காணிப்புக்குள்படுத்தப்பட்டுள்ளனா். தேவையான மருந்து மாத்திரைகளும் வழங்கப்பட்டு வருகின்றன. சிகிச்சையில் உள்ளவா்கள் யாருக்கும் நோய் தீவிரம் இல்லை. எனவே விரைவில் அனைவரும் குணமடைந்து வீடு திரும்புவா். ஏற்கெனவே வீடு திரும்பிய நபா்கள் 14 நாள்கள் தங்களை தனிமைப்படுத்திக் கொள்ள வேண்டும். வீட்டில் உள்ளவா்களுடனும் எந்தவித தொடா்பில் இல்லாமல் தனி அறையில் இருக்க வேண்டும். இதற்கான மருத்துவ வழிகாட்டி முறைகள் அனைவருக்கும் தெளிவாக விவரிக்கப்பட்டுள்ளது.

அந்தந்தப் பகுதி சுகாதாரத்துறையினரும் தொடா்ந்து இவா்களை கண்காணித்து மாவட்ட நிா்வாகத்துக்கு அறிக்கை வழங்குவா் என்றாா் ஆட்சியா். தமிழகத்தில் தொற்றுள்ள மாவட்டங்களில் திருச்சி உள்ளிட்ட 17 மாவட்டங்கள் சிவப்பு வண்ணம் (ரெட் அலா்ட்) குறியிடப்பட்டிருந்தன. இந்நிலையில் திருச்சியில் பாதிக்கப்பட்ட 43 பேரில் 29 போ் குணமடைந்து அவரவா் வீடுகளுக்கு திரும்பியுள்ளனா். 14 போ் மட்டுமே உள்ளனா். இதனால் சிவப்பு வண்ண பட்டியலில் இருந்து திருச்சி மாவட்டம் வெளியேறும் நிலை உருவாகியுள்ளது. தொடா்ந்து 7 நாள்களுக்கு புதிய தொற்று இல்லையென தெரியவந்தால் மாவட்டத்துக்கான ரெட் அலா்ட் திரும்பப் பெறப்படும் என சுகாதாரத்துறை வட்டாரங்கள் தெரிவித்தன.